Thursday, November 13, 2008

سبب الزحمة بالدائري الرابع

اكتشفت سبب الزحمة بالدائري الرابع .... انا ما احبة و دايما احاول ان ما اروح منة لان كلة زحمممممة بس قبل جم يوم كنت حدي متأخرة و ابي اروح موعد دكتور بالسالمية فاضطريت ان اروح منة بدال الثاني طبعا ... اول كنت كلة اقول ان سبب الزحمة اهوا الجابرية او دخلة الجابرية لان الناس اتكون اب اقصى اليسار بعديييين فجأة تبي اتلف يمين عشان تدخل الجابرية و اللفة زحمة و بدال لا اصير سايد واحد واقف بدش الجابرية اصيرون سايدين واقفين و تبقى الحارة الثالثة و كل الاوادم اللي تبي اتكمل سيدة اتروح الحارة الثالثة فاصير زحمممة ... و موو بس هذي المشكلة... ساعات اتلاقون ناس تمشي على الستين بالسايد الثالث !!!! شكوو انزين اوخر السايد اللي بالنص نفس الشيئ لوول اخر شي اروح اليميين وو الاقيه فاضييي !! شسالفة !! وو اقعد الف على السياير و حالتي حالة ليييين اخر شي ارد عل اليسار !! و أغلبية اللي ماخذين يسار اتلاقون سيارتهم بالقصب تمشي و بعضهم مو كويتين .. يعني معقولة مايعرفوون ويلا اتعمدووون مادري عنهمم بسسس صججج انرفزووون الواحد.. و بالنسبة ليي هذا سبب الحوادث .. الناس اللى تمشي بطىء بالمكان الغلط اهي سبب الحوادث و الاعصاب يعني اشحقة حاطين حارة اليميييييننننن !!! غريبة

اي طريج اللي تستخدمونة اكثر شيء و ليش ؟؟




3 comments:

NBQ said...

أنا أفضل تجنب الرابع، بس يمكن أنا ما عندي المشكلة اللي تواجهك لأني أصلا ساكن في الجابرية، لووول، والزحمة أكثر شي وراي مو جدامي وأنا رايح للسالمية.

أنا آخذ الخامس لأنه وايد أحسن الحين بعد افتتاح النفق قرب دوار الجوازات.

إذا ما في بد، تجنب الرابع واخذ الثالث أو الخامس وبدع ما تعدي الجابرية لف واندمج مع الخامس

MrMMM said...

هم الدائري الرابع، لأن بس نطوف هالزحمة باجي الطريق سالك نسبيا ..


و على طاري السيارات البطيئة،
سبب هالشي ان البنزين رخيص بالكويت، فا العموم يقدر يكون عنده سيارة ،
لو أسعار البنزين نفس برة جان ثلاث ارباع أصحاب هالسيارات "البطيئة" راح يستخدمون الباصات و الا راح يركبون مع بعض و تقل الزحمة

DanDash said...

nbq: el 5amis nice :) bas living in jabreya not nice at all :p

mrmmm: hehehe bas 7ata e7na ra7 entwahag etha el banzen 9ar '3ali lol ba3dain kil hal naf6 (mashalla) oo banzena '3ali loool laish :p